|
|
|
|
SATSAR på PEER
Ifjor omsette Peer Gynt for 20
millionar kroner i Gudbrandsdalen. 12 000 menneske såg framsyninga ved Gålåvatnet
i fjor, og no vil direktør Eli Blakstad
bruke 30 millionar på Ibsen-figuren
for å få til næringsutvikling i dalen.
- Skal vi være på hogget om fem år, er det no
vi må satse, seier Blakstad til avisa Gudbrandsdølen. I planane som er lagde
fram skal mellom anna scene-anlegget ved Gålå-vatnet betrast ut med 500
sitjeplassar, tidsmessig toalettanlegg og andre trivselstiltak for
publikum.
Til USA før 2010
Planane er langsiktige og går heilt fram til 2010. Med i visjonane er også
tanken om ei stor USA-framsyning av Peer Gynt.
Blakstad vonar å få med seg Staten, Regionrådet Midt-Gudbrandsdal,
Innovasjon Norge, Oppland fylkeskommune, Vegvesenet, Forskningsrådet, Aetat,
kommuner og næringsliv på omfattande investeringar på tilsaman 11,5
millionar. Sjølv skal Peer Gynt AS satse 5 millionar frå eigne midlar.
Dal i vekst
For 2006 er det budsjettert med ein omsetnad på 30 millionar kroner
til dei ulike arrangementa i Peer Gynt-stemnet. Det første stemnet vart
skipa til i 1928, og Gålå-framsyninga har vore årviss kvar sommar sidan
1989. Stadig fleire vil sjå Peer Gynt i friluft: Ifjor såg 12 000 personar
framsyninga som vart utseld til siste billett, i år er det lagt til rette
for 14 000. Om det nye anlegget kjem på plass skal heile 18 000 få del i
arrangementet.
- Det har dei siste åra vore ei rivande utvikling i distriktet. Mykje nytt
står på trappene. Utvikling av Peer Gynt er ei utvikling av heile
Gudbrandsdalen, seier Blakstad til Gudbrandsdølen.
Relaterte linkar
Peer med
planer for 30 millioner kroner Av Bjørn Brandt. Gudbrandsdølen 2. april
2004
NYHETER MELDINGER
Teaternett formidler nyheter fra norsk og internasjonalt teater. Hjelp oss å være
oppdatert! Skjer det noe der du er - send oss et tips! Vår epostadresse: teaternett@teaternett.no
|
|
|