Levande og gripande tolkning av ulike roller, gjennomført med suksess.

Dette var det Ordensrådet la vekt på i si grunngjeving då skodespelar Monna Tandberg torsdag 29. november vart utnemnd til riddar av 1. klasse av St. Olavs Orden for innsatsen sin i norsk scenekunst.

I ei pressemelding frå Nationaltheatret heiter det at det også vart lagt vekt på Tandbergs bearbeiding av manuskript til kvinnemonologane. Monna Tandberg gjekk ut frå Statens Teaterhøgskole i 1960 og har tolka over 70 roller. Ho har også hatt mange roller i film og fjernsyn. Mange barn vil kjenne henne som "Dronning Fjellrose" i NRK-serien Jul i Blåfjell. I 2003 fekk Tandberg Per Aabels ærespris. Ho er i dag tilsett ved Nationaltheatret.

Teaternett formidlar nytt frå norsk og internasjonalt teater. Hjelp oss å være oppdatert! Skjer det noko der du er - send oss eit tips! Vår epostadresse:  teaternett@teaternett.no