Skodespel av den franske klassisistiske dramatikaren Jean-Baptiste Racine. Skodespelet byggjer på den
antikke greske myten om dronninga Fedra som vart vilt forelska i stesonen
sin, Hippolytos. Ryktet når henne om at mannen
Illustrasjon:
WikiCommons
Sterke kjensler: Slik såg den franske malaren Alexandre Cabanel (18231889)
føre seg dronning Fedra (Phèdre) frå den antikke
greske myteverda. Maleriet er frå 1880. Fedra sin kjærleik til stesonen Hippolytos
får fatale følgjer for henne sjølv og hennar nærmaste.
hennar, Tesevs, er død. Ho vågar seg då
til å fortelje Hippolytos om kjærleiken sin til han. Men stesonen er løynleg kjær i
prinsessa Aricia, og han avviser Fedra. Det viser seg så at Tesevs er i
live, og bodskapen om dette er vendepunktet i dramaet. Då Tesevs kjem heim skuldar Fedra
Hippolytos for å ha freista å valdta henne. Fedra er frå seg av hemnlyst på
Hippolytos. Ho er også svartsjuk på Aricia som han elskar. Sjølv om Hippolytos nektar
for overgrepet, trur Tesevs han ikkje. Han sender sonen i utlegd, og får også havguden Neptun
til å ta livet av Hippolytos. Aricia får Tesevs til å tvile på at Hippolytos er
skuldig. Fedra innrømmer til slutt alt, og tek livet av seg med gift. Tesevs forsonar seg
med Aricia og adopterer henne som dottera si. Med i intrigene har også fleire fortrulege
tenarar ein viktig plass: Ismene til Aricia, Teramenes
til Hippolytos og Oinone til Fedra. Under oppklaringa medverkar Oinone
særskilt, og tek også livet av seg.
Skandalar og sterke kjensler
Ei slik voldsom intrige med sterke kjensler fascinerte og fenga ved det skandalehungrige
franske hoffet. Det var ei tid utan vår tids kolossale tilgang på medieskapte historier.
Forteljinga om Fedra har også inspirert mange andre kunstnarar. Men Jean Racine sin
versjon på aleksandrinsk versemål har fått ein særskilt plass, ikkje
minst på teaterscenene verda over.
Premieren var 1. januar 1677 i Hôtel de Bourgogne.
Det gjekk ikkje friksjonsfritt for seg. Vener til ein annan fransk tragedieskapar, Pierre Corneille, under leiing av hertuginna av Bouillon,
laga intriger. Dei fekk ei anna teatergruppe til å framføre eit stykke av ein annan
dramatikar, Nicolas Pradon, på omtrent same tema! Hertuginna av Bouillon var ein av dei
namngjetne Mancini-systrene. Dei var nieser til den legendariske italienskætta kardinal
Giulio Raimondo Mazzarino. Mazarin vart han kalla på fransk, kong Ludvig den
fjortande sin statsminister.
Fedra vart sett opp av Det Norske Teatret våren 2014 i omsetjing og
gjendiktning av Halldis Moren Vesaas. Ho brukte minst tre år på arbeidet. Fedra
og andre skodespel av Racine er rekna som bortimot umogleg å omsetje, og karakterisert
som "diamantslipte". Gjertrud Jynge (fødd 1966) hadde
tittelrolla i 2014-oppsetjinga, som hadde premiere 14. februar
2014.
Litteratur:
Jon Nygaard: Teatrets historie i Europa. Del 2: Teatret fra 1750 til 1900. Det
offisielle teatret Spillerom 1992 (214f).
Wikipedia
Teaternett arbeider med å bygge opp en database over teaterfaglig stoff, begreper og navn
under overskriften teaterleksikon. Send oss også gjerne tips! Vår adresse er: teaternett@teaternett.no