Del artikkelen |

Shaun Mark "Sean" Bean. Fødd 17. april 1959 i Handsworthdistriktet i Sheffield, Sør-Yorkshire, England. Skodespelar i teater, film og stemmeleggjing.

Sean Bean. Mars 2009. Foto: Punch Malloy. WikiCommons

Bean ynskte først å verte profesjonell fotballspelar, men ein skade sette ein stoppar for denne draumen. Han kom inn på the Royal Academy of Dramatic Art i London i 1981, og vart uteksaminert derifrå i 1983.

Han debuterte som profesjonell skodespelar i rolla som Tybalt i Romeo og Julie ved the Watermill Theatre i Newbury. Dei første oppdraga hans veksla mellom scene og film. Mellom 1986 og 1988 var han medlem av the Royal Shakespeare Company og deltok i produksjonar som Romeo og Julie, The Fair Maid of the West og Ein midtsommarnattsdraum.

Bean har medverka i eit stort tal filmar, og er best kjent for eit norsk publikum som Boromir i Peter Jackson sin filmtrilogi Ringdrotten (2001-2003), som Odeyssevs i Wolfgang Petersen sin film Troja (2004) og som Eddard Stark i TV-serien Game of Thrones (2011-2014).