Del artikkelen |

Nikolaj Coster-Waldau, eller Nikolaj Coster Waldau. Fødd 27. juli 1970 i Rudkøbing, Danmark. Skodespelar i teater og film. Han vart uteksaminert frå Statens Teaterskole i København i 1993.

Nikolaj Coster-Waldau. Mars 2013. Foto: Suzi Pratt. WikiCommons

Etter endt utdanning hadde Coster-Waldau sin offisielle scenedebut i rolla som Laertes i Shakespeare sitt skodespel Hamlet ved Betty Nansen-teatret i København. Han vart raskt fanga opp av filmproduksjon, og vart landskjend i Danmark gjennom rolla som Martin i den danske grøssaren Nattevakten (1994).

Som barn og ungdom var Coster-Waldau ifylgje Wikipedia svært sjenert, men dramaundervisning og teaterarbeid medverka til at han vant over dette og fekk realisert den store draumen sin om å bli skodespelar. Coster-Waldau ville ut i verda, særleg vart han lokka av det enorme filmmiljøet i Hollywood. Far hans arbeidde på Grønland og mora var bibliotekar. Sjølv seier Coster-Waldau til The Independent 16. mars 2013 at favorittplagget hans er skibukser. Har han dei på så veit han at han er på ein god stad. Han elskar å stå på ski!

Og for norsk publikum er Coster-Waldau elles mest kjend i rolla som Jamie Lannister i HBO-serien Game of Thrones (2011-2014). Han har også vore med i ei rad filmar, som til dømes Black Hawk Down (2004), som Dieter Prohl i Wimbledon (2004), i Kingdom of Heaven (2005), som Biskop Juell i Kautokeino-opprøret (2008) og som Claes Greve i Hodejegerne (2011).