Peter Hayden Dinklage. Fødd 11. juni
1969 i Morristown, New Jersey, USA. Skodespelar i teater og film, og røysteleggjar. Han
vaks opp i New Jersey, og gjekk ut frå Delbarton School i 1987, og frå Bennington
College i 1991.
Peter Dinklage.
Juli 2013.
Foto: Gage Skidmore.
WikiCommons
Dinklage er mest profilert som
filmskodespelar, men har også ein omfattande aktivitet som sceneaktør. Sommaren 2008
spelte han tittelrolla i Tsjekhov
sitt skodespel Onkel Vanja, iscenesett av kone og teaterregissør Erica
Schmidt, på Bard College sin årlege Bard SummerScape
og på the Upstate New York summer stage på Annandale-on-Hudson
campus. I 2004 spelte han tittelrolla i Shakespeare
sitt skodespel Richard 3. Han har også medverka i
OffBroadway-produksjonar.
For norsk publikum er Peter Dinklage mest kjend i rolla som Tyrion Lannister
i HBO-serien Game of Thrones (2011-2014), ein innsats han fekk Emmy
(2011) og Golden Globe (2012) for, som beste birolle i
drama, miniserie og fjernsyn. Han er også kjent frå The Chronicles of Narnia:
Prince Caspian (2008) i rolla som Trumpkin.
Teaternett arbeider med å bygge opp en database over teaterfaglig stoff, begreper og navn
under overskriften teaterleksikon. Send oss også gjerne tips! Vår adresse er: teaternett@teaternett.no