|
|
|
 |
|
| Teaterleksikon
|
<< Tilbake |
Fram
>> |
G
| Gay, John |
Fødd 30.
juni 1685 i
Barnstaple, England og døydde 4. desember 1732 i London. Engelsk
dramatikar. Kjent for Beggar's
Opera (Tiggeroperaen) uroppført 1728. Verket braut med
operakonvensjonane på denne tida gjennom å la handlinga gå føre seg i underklassen,
mellom prostituerte, tiggarar og småkjeltringar.
Framsyningane parodierte også den
italienske operaforma. Var utgangspunkt for Brechts Tolvskillingsoperaen,
som hadde premiere to hundre år etter, i 1928.
Filmregissørane Fernando Meirelles og Katia
Lund har i vår tid gjennom filmen City of God (2003), som handlar om slumbyen
Cidade de Deus i Rio de Janeiro, skildra eit bymiljø som samfunnet og politiet har gitt
opp. Kampen om makta over byen er overlete til barn og ungdom som brutalt etablerer eigne
reglar og makthierarki med våpen i hand. Filmen er lydsett med samba-musikk, og får
karakter av ein valdsballett, også med
sterke innslag av svart humor. Denne filmen representerer
kanskje ein slags moderne film-parallell til Gays og Brechts prosjekt.
|
Teaternett arbeider med å bygge opp en database over teaterfaglig stoff, begreper og navn
under overskriften teaterleksikon. Send oss også gjerne tips! Vår adresse er: teaternett@teaternett.no
|
|
|
