Del artikkelen |

Sebastian Koch. Fødd 31. mai 1962 i Karlsruhe, Tyskland, vaks opp i Stuttgart. Frå 1982 til 1985 studerte Koch ved Otto Falckenberg School i München, og var på denne tida med i ungdomsensemblet Theater der Jugend.

Sebastian Koch. November 2011. Foto: Till Brönner. WikiCommons

Etter å ha delteke i lokale teater i Ulm og Darmstadt byrja Koch å spele ved teatra i Berlin i 1990. Her var han med i produksjonar som Schiller sitt skodespel Røvarane, Goethe sitt stykke Ifigenia av Tauris, og Dirty Dishes av Nick Whitby.

Koch har vore med i eit kresent utval filmar. Han er kjend for norsk publikum mellom anna gjennom filmane Stauffenberg (2004) der han hadde tittelrolla, i Speer und Er (2004), Dei andre sitt liv (The Lives of Others/Das Leben Der Anderen - 2006), Black Book (2006), Sea Wolf (2009) og A Good Day to Die Hard (2013).

Relatert link:
Sebastian Koch. Skodespelaren si eiga heimeside.