Saman for AMATØRANE

Noregs Ungdomslag og Norsk Amatørteaterforbund har inngått avtale om samarbeid for eit betre amatørteater-Noreg, heiter det i ei pressemelding frå organisasjonane. Hovudpunkt i avtalen er medlemsservice, kursutvikling og informasjon.

Begge organisasjonane vil prioritere å inngå avtalar som gir teatergrupper og einskildmedlemmar rabatterte prisar for ulike teatereffektar.

10 000 medlemmer

- Til saman er det om lag 10.000 medlemmar i våre organisasjonar som arbeider med teater, og det ynskjer me å synleggjere som ein stort marknad for leverandørar av mellom anna sminke, litteratur og teknisk utstyr, seier Line Torbjørnrød, nestleiar i Norsk Amatørteaterforbund.

Større prosjekt?

- Eg ser fram til eit godt samarbeid med Norsk Amatørteaterforbund og trur dette samarbeidet kjem til å gagne medlemmar i båe organisasjonar, held Kristian Fjellanger fram. Han er leiar i teaterrådet i Noregs Ungdomslag.

Leiarane for dei to organisasjonane utelukkar ikkje at det også kan verte aktuelt med større samarbeidsprosjekt.

NYHETER  MELDINGER

Teaternett formidler nyheter fra norsk og internasjonalt teater. Hjelp oss å være oppdatert! Skjer det noe der du er - send oss et tips! Vår epostadresse:  teaternett@teaternett.no