OVERSKOT på Oslo Nye

Oslo Nye Teater kom ut med eit overskot på 7,5 millionar kroner i 2001, melder Aftenposten. Dermed har teatersjef Svein Sturla Hungnes klart ein viktig del av oppgåva si: Å snu det negative driftsresultatet.

Året før hadde Oslo Nye Teater eit tap på 6,2 millionar kroner. Aftenposten peikar på to hovedårsaker: Auke i billettinntektene og reduksjon av driftskostnadene. Teatret har dermed klart å vinne attende eigenkapitalen sin.

For fulle hus
Besøket ved teatret auka frå 137 000 i 2000 til 167 000 i fjor. Publikumsmagnetene var framsyningane Cabaret, Amadeus og Enigmavariasjonar på hovudscenen og Ole Brumm og Tatt av kvinnen på Centralteatret.

For tida går både Chicago, Karlson på taket og Tatt av kvinnen for fulle hus, melder Aftenposten.

Relaterte linker:
Hungnes sjef på Oslo Nye Teater  Teaternett, 2. mars 2001

NYHETER  MELDINGER

Teaternett formidler nyheter fra norsk og internasjonalt teater. Hjelp oss å være oppdatert! Skjer det noe der du er - send oss et tips! Vår epostadresse:  teaternett@teaternett.no