AKTUELT / Nyheter
(annonse)

Denne side publisert
29. januar 2004

HOVEDSIDE
Om Teaternett
AKTUELT
Nyheter
Meldinger
I mediebildet
Artikler

Arkiv
SØK



Japansk FOSSE

100 år etter at Ibsen vart lansert for det japanske publikumet er det no Jon Fosse sin tur. Bergens Tidende melder om fulle salar i åtte byar når den mest spelte dramatikaren i Europa vert introdusert i Japan.

Ein nøktern Fosse vil ikkje spekulere i om det japanske publikumet vil ta like godt imot han som det europeiske:
- Eg har blitt fortalt at det er samanfall mellom min stil og det tradisjonelle japanske Noh-teateret, seier han til Bergens Tidende.

Sumie Kawai
Ifylgje Fosse er det den japanske omsetjaren Sumie Kawai som har æra for at dramatikken hans har funne vegen til Japan. Ho såg ein produksjon i Berlin for fem år sidan og sette igang. Regissøren Shogo Ohta set no opp Nokon kjem til å kome på Setagaya Publik Theater i Tokyo.
- Det er hundre år sidan Ibsen først vart spela på japanske scener, og som ein like stor dramatikar fylgjer no Fosse i hans fotspor. Det er gledeleg at han kunne vere til stades, noko som sjølvsagt ikkje var mogleg for Ibsen, seier den anerkjente regissøren til Bergens Tidende.

På det meir eksperimentelle Komaba Agora Theater er det den yngre regissøren Motoi Miura som set opp Sov du vesle barnet mitt, Namnet og Ein sommars dag.

Franske omsetjingar
Miura vart interessert i Fosse under eit opphald i Paris. Der leste han alle stykka som var omsette til fransk og og bestemte seg for å setje dei opp. Det er det vanskelegaste prosjektet han nokon gong har teke på seg, meiner han. Tre stykke på ein gong er mykje, og Fosses stil er vanskeleg.

Lanseringa i Japan vert delvis finansiert av spelemidlar frå Japans motorbåtracingforbund. Det er berre femte gong eit utanlandsk stykke får støtte frå denne eksklusive ordninga.
- Stykket blir vist for eit mykje breiare publikum enn det som ville vore mogleg ved ordinær lansering, seier Marianne Loe, kulturattaché ved den norske ambassaden i Tokyo til Bergens Tidende.

Relatert link:
Jon Fosse - nå også i Japan Av Ragnhild Kjetland, Bergens Tidende  21. januar 2004

NYHETER  MELDINGER

Teaternett formidler nyheter fra norsk og internasjonalt teater. Hjelp oss å være oppdatert! Skjer det noe der du er - send oss et tips! Vår epostadresse:  teaternett@teaternett.no