Al Pacino som SHYLOCK

Shakespeare sitt kontroversielle skodespel Kjøpmannen i Venedig har blitt ei vellukka filmatisering, meiner filmkritikar Inger Bentzrud i Dagbladet. Og i Noreg skal det bli film av Ibsen.

Etter Hitlers jødeutrydding under 2. verdskrigen har Kjøpmannen i Venedig vore vanskeleg å ta tak i. Men ifølge Inger Bentzrud har regissør Michael Radford lukkast i sitt prosjekt.

Solid stab
Al Pacino har tidlegare spelt Shakespeare-skurk på lerretet, gjennom filmatiseringa av Richard 3. No framstiller han den den hemngjerrige jødiske handelsmannen Shylock, i eit renessansens Venezia fullt av antisemittisme.

I skodespelarstaben finn vi elles Jeremy Irons som Antonio, Joseph Fiennes som Bassanio og Lynn Collins som Portia.

Kenneth Branagh
Det har etterkvart blitt mange filmatiseringar av Shakespeare-skodespel. Kenneth Branagh har tidlegare iscenesett både Henrik den femte, Othello og Hamlet for film. Regissør Michael Radford har i Kjøpmannen i Venedig klart å utnytte det kraftfulle visuelle stilmiljøet i renessansen, skal vi tru Bentzrud.

Det ser ut til at filmar basert på skodespel har eit publikum, og at interessa for store dramatikarar vert stimulert via lerretet. Moderne filminstruktørar nøyer seg heller ikkje med å filme replikkføring: Det er det visuelle forteljarspråket som står i sentrum og som aktivt vert utnytta.

Nye vegar mellom film og teater
Adaptasjonar mellom medier og kunstformer finn nye vegar: Romanen Elling vart først film, deretter skodespel for scenen. Når norske filmkunstnarar gjev seg i kast med novellefilmar for millionar på Ibsen kan det kanskje også inspirere teatret.

Relaterte linkar
Strålende Shakespeare Av Inger Bentzrud. Dagbladet  10. mars 2005
Millioner til Ibsen-filmer Av Lars Eirik Eide. Dagbladet  9. mars 2005

NYHETER  MELDINGER

Teaternett formidler nyheter fra norsk og internasjonalt teater. Hjelp oss å være oppdatert! Skjer det noe der du er - send oss et tips! Vår epostadresse:  teaternett@teaternett.no