Dansk PRISDRYSS

Utdelinga av dei danske Reumert-prisane får dei norske teaterprisane til å sjå litt molefonkne ut. For ei snau veke sidan dryssa det prisar og pengar ut over danske teaterfolk. Og her var det galla og show med 1100 deltakarar.

Ikkje mindre enn 300 000 kr vart det på skodespelaren Preben Kristensen, melder avisa Politiken. Kristensen fekk Bikubens Hæderspris under utdelinga. Kven er så det? Ja, seinast er han kjent for danskane som Leopold i ei kritikar-rost framsyning av Sommer i Tyrol på Nørrebro Teater. Når var vi så der sist...?

Lista elles over prisutdelingane aukar ubehaget over at vi nordmenn flest veit for lite om det svært så omfattande teaterlivet i vårt ærverdige naboland i sør, som vi påberopar oss minst 50/50 omsorgdeling for Ludvig Holberg saman med.

Årets sopran
Prisen for årets framsyning gjekk til Demokrati på Betty Nansen Teatret. Årets mannlege hovedrolle: Henning Jensen i Pinnocchios aske. Kvinneleg hovedrolle: Meike Bahnsen i Anna Karenina. Årets opera (for danskane har fleire oppsetjingar å ta av): Elektra. Som også fekk "Oscar" til årets sopran, Eva Johansson.

Store filmar og skodespelarar på film blir internasjonale, men i teatret er dei fleste stjernene nasjonale, for ikkje å seie lokale... Og kva trur vi så at danskane veit om norsk teater?

Relatert link
Preben Kristensen fikk Bikubens Hæderspris Ritzau. Politiken 30. april 2005

NYHETER  MELDINGER

Teaternett formidler nyheter fra norsk og internasjonalt teater. Hjelp oss å være oppdatert! Skjer det noe der du er - send oss et tips! Vår epostadresse:  teaternett@teaternett.no