Ibsenkvinner i HUNDRE

15 svært så ulike land er representert når Nationaltheatret sparkar igang Ibsenfestivalen om under ein månad. 100-årsjubileet for Ibsens dødsår viser at det står til liv i Ibsens tekstar. Og internasjonalt fangar kvinnene hovudinteressa.

Pistolskotet til Hedda Gabler gjev framleis atterklang: Ikkje mindre enn 5 ulike versjonar av det kjente dramaet blir å sjå på festivalen, mellom dei Nationaltheatrets eiga oppsetjing i regi av Kirsti Buchanan Ulvestad. Medan Nora kanskje var Ibsen-ikonet for 70-tallets kvinnefrigjering i Norden ser Hedda ut til å kalle på merksemda for den sjølvrealiserande kvinnegenerasjonen i vår tid. Kva skal ein gjere når livet blir keisamt? Dansk gjestespel skaper i alle fall forventning med tittelen Hedda Gabler - erotisk dødsrute.

Burkina Faso
Men, Nora er her, og ho dukkar også opp i årets festival med fire oppsetjingar: Som masketeater frå Japan (Double Nora), som danseteater frå India, som russisk ekspresjonistisk melodrama og i kvinnerealisme frå Burkina Faso. Den visuelt elegante Robert Wilson har fått med seg eit polsk lag rundt ei anna kvinne, Fruen fra havet.

Vi blir elles lova stilrein klassikar i Brand  frå Frankrike, og danskane stiller med Gynt som rap-trylle-stand up.

Relatert link:
Ibsenfestivalen 2006

NYHETER  MELDINGER

Teaternett formidler nyheter fra norsk og internasjonalt teater. Hjelp oss å være oppdatert! Skjer det noe der du er - send oss et tips! Vår epostadresse:  teaternett@teaternett.no