|
|
|
 |
|
Ungt og intenst i Stavanger
To premierer på same dag med to intense forestillingar. Slik startar Rogaland Teater
nyåret, når teppet går opp for 04:48 Psykose og A Clockwork Orange
lørdag 18. januar.
04:48 Psykose
handlar om ei ung jente som er innlagt på ein psykiatrisk institusjon. Ho vekslar mellom
det dei fleste vil kalle galskap og det som vi gjerne omtaler som det normale. Vi møter
henne i samtalar med behandlaren sin og i lange samtalar med seg sjølv. Den unge jenta
leitar etter kjærleiken og alt det vakre som livet har å by på, men som ho sjølv ikkje
klarar å bli ein del av.
Vonbrotet over ikkje å bli ein del av dette livet blir til slutt så sterkt at ho vel å
ta sitt eige liv. Trass i eit tragisk tema byr dramatikaren Sarah Kane også på
humoristiske episodar i dette stykket. Instruktør er
Bjørn Ravn Carlsen.
Vald og Beethoven
Anthony Burgess’ framtidsroman A Clockwork Orange
er mest kjent gjennom Stanley Kubricks berømde film frå 1971. Oppsetjinga til Rogaland
Teater byggjer på sceneversjonen som Burgess laga i 1991. Rogaland Teaters oppsetning
bygger på sceneversjonen som Burgess skreiv i 1991. Beethovens tonar set i gang valdelige
og erotiske fantasiar hos tenåringen Alex, som han freistar å verkeleggjere.
Burgess skildrar eit framtidssamfunn i romanen sin, eit samfunn der unge valdtek,
brukar vald og drep for moro skuld, utan teikn til anger. Instruktør er Roy Lie Jonassen,
og mellom dei medverkande er Alf Nordvang, Marika
Enstad, og Anders Dale.
Teaternett
formidler nyheter fra norsk og internasjonalt teater. Hjelp oss å være oppdatert! Skjer
det noe der du er - send oss et tips! Vår epostadresse: teaternett@teaternett.no |
|
|
