Kven skal lære han Ivar å lesa?
Ei bursdagsgåve til Ivar Aasen frå den meritterte skodespelarinna Rut Tellefsen:
- Vi har eit ordspråk frå dansk som seier at «beskjedenhet er en dyd». Omsett til
Aasen-målet kan vi seie at «å vera smålåten er ei dygd».
Eg trur ikkje det ordtaket kunne vinne førsteprisen i ein popularitetskonkurranse i våre
heseblesande dagar! Og som skodespelar kjem du vel òg lengst utan den kunnskapen.
Men skal du snakke om Ivar Aasen kjem du ikkje utanom det ordet, for han var smålåten.
Og då fell du lett ut av fokus og inn i gløymsla. «Det vesle vetet det rekk ikkje
langt. Ei tru må stydja oppunde» og «Dersom ikkje lærde menn som Lyder Sagen og
professor P.A. Munch hadde hjelpt Aasen til å få pengar av Staten, ville han framleis ha
gjett geiter og plukkat blomar på Søndmør», det sa den gode venen og kampfellen Vinje
om han. - Han var no òg viden kjend som ein retteleg spottegauk. Men han var ikkje utan
humor den gamle Aasen heller og det skal du få høyre meir om når vi kjem i gang
med å fortelje kven som skulle lære han Ivar å lesa!
Det har tatt meg nokre år å få sauma i hop dette opuset mitt om han Ivar og han
har vorte meg inderleg kjær, - den kjærleiken vonar eg skal smitte over på mitt
publikum. Du får møte han som ein nyfiken smågut i Ørsta og kan følgje han på
livsvegen både som diktar og språkforskar og vi har ikkje gløymt songane som du
skal få vera med og syngje!
Det heile er meint som ei gåve til det jubilerande Norske Teatret der eg trødde mine
barnesko som skodespelar og som ei gåve til Ivar Aasen i høve 200-årsdagen, eit
edelt menneske og ein stor språkforskar!
Ver velkomne!
Rut
Teaternett formidler uredigerte pressemeldinger fra
norsk og internasjonalt teater. Teaternett mottar ingen betaling eller andre former for
motytelser for denne tjenesten. Vi forbeholder oss retten til uten forklaring å
publisere, eller la være å publisere innkomne meldinger. Hjelp oss å være oppdatert!
Ønsker ditt teater å formidle noe - send oss en pressemelding!
Vår epostadresse: teaternett@teaternett.no